Ýapon Medeniýet hepdeliginiň dowamynda Aşgabadyň Bäşim Nuraly adyndaky çagalar çeperçilik mekdebinde klassiki origalar gadymy ýapon sungaty bolan kagyzdan dürli şekilleri taýýarlamak boýunça täsin sapak geçirildi. Bu täsin okuwy Ýaponiýanyň Türkmenistandaky ilçihanasynyň üçünji sekretary hanym Ýamagisi Ýoko geçirdi.
Ol çagalara ýapon dilinden terjime edilende kagyzy eplemek” diýen düşünjäni berýän origalar barada düşündirip, gürrüň berdi. Klassiki origalar dörtburç kagyz tagtasyndan ýerine ýetirilýär. Ýapon amaly-haşam sungatynyň bu görnüşi öz gözbaşyny asyrlaryň jümmüşinden, haçan-da kagyz oýlanylyp tapylanda, alyp gaýdýar.
Hanym Ýamagisi Ýoko kagyzdan ýelimi we gaýçyny ulanmazdan nädip geometriki şekilleriň – dörtburçlyklaryň, romblaryň we üçburçluklaryň kagyz oýnawaçlarynyň” ýasalyşyny görkezdi. Çagalar başarjaň ellerde, edil jadyly ýaly, dört burç kagyzyň önüme-oýnawaja öwrülýändigine haýran galyp, üns bilen syn etdiler. Onuň netijesine durnajygyň, gurbaganyň, güljagazyň, topjagazyň emele gelşini ýasalşyny dykgat bilen synladylar. Ýaş hudožnikler Ýamagasi Ýokomyň görkezişi ýaly, kagyzy eplediler. Netijede bolsa, ynha olaryň ellerinde gazet kagyzyndan ýasalan kobakonyň uly korobkasy, kagyz papaklary.
Ýaponiýada çagalar şular ýaly papaklary 5-nji maýa Çagalar gününe taýýarlaýarlar diýip, Ýamagasi Ýoko düşündiräýr. Şol gün çagalaryň ählisi şular ýaly dürli reňkdäki papaklary geýýärler. Maňa çagalar bilen gürleşmek, olara origalary öwretmek örän ýakymly. Bu duşuşyk çagalarda Ýaponiýa bolan gyzyklanmany hem-de ýapon sungatyna bolan höwesi döreder diýip, men umyt baglaýaryn.
Bu geçirilen okuw sapagy hakyky baýramçylyga öwrüldi. Çagalar myhmana mekdep barada gürrüň berdiler, mekdep muzeýiniň eksponatlary bilen tanyşdyrdylar, özleriniň iň gowy işlerini surat çekmek we zergärçilik önümlerini görkezdiler.