Türkmenistanyň “Türkmenbaşy” döwlet täjirçilik banky, “Türkmenistanyň bank ulgamyny ösdürmegiň 2011-2030-njy ýyllar üçin döwlet maksatnamasyny” hem-de “Türkmenistanyň Ykdysadyýet, maliýe bank ulgamlaryny ösdürmegiň 2019-2025-nji ýyllar üçin maksatnamasyna“ laýyklykda iş alyp barmak maksady bilen, “Altyn –Asyr” bank kartlar ulgamyny ornaşdyrmak, ýaýratmak we ösdürmek boýunça işleri işjeňlik bilen alyp barýar.
Häzirki wagtda Türkmenistanyň “Türkmenbaşy” döwlet täjirçilik bankynda 2019-njy ýylyň 1-nji iýun ýagdaýyna 406 121 sany kart hasaplary açyldy we olary möçberi günsaýyn artýar.
Söwda nokatlarynda we hyzmat ediş nokatlarynda töleg terminallarynyň 2019-njy ýylyň 1-nji iýun ýagdaýyna 3899-sy gurnaldy.
Türkmenistanyň “Türkmenbaşy” DTB-nyň ulgamy boýunça bankomatlaryň 358 sanysy hyzmat edýär.
Bankomatlar Türkmenistanyň “Türkmenbaşy” DTB-nyň ähli şahamçalarynda we beýleki nokatlarda — söwda merkezlerinde, howa menzillerinde, kärhanalarda we guramalarda gurnalandyr.
Bankomatlaryň, “Mobil bank” we “Internet bank” hyzmatlarynyň üsti arkaly ýurdumyzyň banklaryndan alnan karzlary we oňa hasaplanan göterimleri, şeýle hem “Altyn Asyr”, CDMA, öý telefon, internet aragatnaşyk ulgamlarynyň töleglerini nagt däl görnüşde tölemek mümkinçiligi ornaşdyrylandyr.
Häzirki günde müşderileri çekmek maksady bilen, töleg terminallarynyň üsti bilen nagt däl görnüşinde tölegleri geçirilende bank kartlarynyň eýelerinden hiç hili ýygym alynmaýar.
Türkmenistanyň “Türkmenbaşy” DTB häzirki günde we geljekde amatly şertleri döretmek we ýurdumyzyň ilatyny durmuş taýdan goldamak maksady bilen, ýurtda nagt däl hasaplaşyklaryň möçberini artdyrmak boýunça işleri işjeň alyp barar.
Goşmaça maglumatlary Siz biziň bankymyza gelip, ýa-da şu aşakdaky telefon belgiler boýunça alyp bilersiňiz:
44-71-75 (78,79), 44-70-26.
TÖLEG TERMINALLARYNY GURNAMAK ÜÇIN HÖDÜRLENMELI RESMINAMALARYŇ SANAWY
Hususy telekeçi – şahsy taraplar üçin:
Terminaly gurnamak barada arza ýa-da ýüz tutma haty
Hasaplaşyk hasabynyň rekwizitleri
Pasportyň nusgasy
Patentiň nusgasy
Hususy telekiçiniň bellige alyş şahadatnamasynyň nusgasy
Salgyt hasabyna goýlandygy hakynda şahadatnamanyň nusgasy
Kärende şertnamanyň ýa-da eýeçilik hukugy barada resminamanyň nusgasy (zerurlygyna gorä)
Ýuridiki şahslar üçin:
Terminaly gurnamak barada resmi hat
Hasaplaşyk hasabynyň rekwizitleri
Türkmenistanyň Edara görnüşli taraplarynyň ýeke-täk döwlet sanawyndan göçürmesiniň nusgasy
Ýuridiki şahslaryň Tertipnamasynyň ýa-da Düzgünnamasynyň kepillendirilen nusgasy
Döwlet tarapyndan hasaba almak hem-de Türkmenistanyň Edara görüşli taraplarynyň ýeke-täk döwlet sanawyna girizmek baradaky Şahadatnamasynyň kepillendirilen nusgasy
Kärende şertnamanyň ýa-da eýeçilik hukugy barada resminamanyň nusgasy (zerurlygyna gorä).
Çeşme: TÜRKMENISTANYŇ «TÜRKMENBAŞY» DÖWLET TÄJIRÇILIK BANKY