Ýurdumyzyň futbol çempionatynyň bäşinji tapgyrynyň jemleýji güni paýtagtymyzda Balkanabadyň “Nebitçisini” kabul eden “Aşgabat” wajyp ýeňiş gazandy.
Said Seýidowyň tälim berýänleri bu duşuşykda 5:2 hasabynda ýeňiş gazanyp, toplan 10 utugy bilen ýaryş tertibinde ikinji basgançaga geçmegi başardy.
Oýun gününiň beýleki duşuşygy Türkmenbaşy şäherinde geçirilip, onda ýerli “Şagadam” Marynyň “Merwinden” 1:0 hasabynda üstün çykdy. Möwsümdäki ilkinji ýeňşini gazanan “Şagadam” ýaryş tertibinde 6-njy orna geçmegi başardy.
Ýeri gelende bellesek, bu tapgyryň birinji oýun gününde “Köpetdagdan” üstün çykan “Ahal” topary 4 oýunda toplan 12 utugy bilen ýaryş tertibinde öňdäki orny eýeleýär. 8 utugy bolan “Köpetdag” üçünji orunda ornaşmagy başardy.
Türkmenistanyň futbol çempionatyndaky nobatdaky duşuşyk 30-njy aprelde geçiriler. Şol gün ikinji tapgyryň wagty süýşürilen duşuşygynda “Altyn Asyr” bilen “Ahal” toparlary duşuşarlar.
Geçirilen duşuşyklaryň netijeleri:
“Aşgabat” – “Nebitçi” – 5:2
Gollar: 31 Nazar Towakelow; 11 m.j.u., 43 Nurýagdy Muhammedow, 63, 67 Boris Iwanow, 86 Muhammet Işangulyýew (“Aşgabat”) – 74 Azat Garajaýew, 76 Merdan Gurbanow (“Nebitçi”)
Duýduryşlar: 25 Myrat Amantaganow, 50 Süleýman Orazow, 73 Gurbanmyrat Garaýew (“Aşgabat”) – 10 Wekil Kadyrow, 65 Mämmedaly Garadanow (“Nebitçi”)
Meýdandan çykarylan: 22 Wekil Kadyrow; ikinji duýduryş (“Nebitçi”)
Geçirilen ýeri: “Nusaý” stadiony (Aşgabat ş.)
Duşuşygyň emini: A.Gurbanow (Aşgabat ş.)
Kömekçi eminler: B.Atdyýew (Tejen ş.), M.Nurberdiýew (Aşgabat ş.)
Ätiýaçdaky emin: R.Isaýew (Mary ş.)
Gözegçi emin: M.Seýitgulyýew (Aşgabat ş.)
Tomaşaçy sany: 600
“Şagadam” – “Merw” – 1:0
Gollar: 67 Baýramgeldi Nurlyýew (“Şagadam”)
Duýduryşlar: 26 Farhat Italmazow, 88 Musa Nazarow (“Şagadam”) – 21 Döwlet Döwletmyradow, 37 Arslan Ýusupow, 44 Toýly Goçnazarow, 88 Azat Orazmuhammedow, 90+4 Serdar Annamämmedow (“Merw”)
Meýdandan çykarylan: 51 Amangeldi Saparow (“Merw”)
Geçirilen ýeri: “Şagadam” stadiony (Türkmenbaşy ş.)
Duşuşygyň emini: R.Ereşow (Türkmenabat ş.)
Kömekçi eminler: Y.Kurambaýew (Daşoguz ş.), M.Allaberdiýew (Aşgabat ş.)
Ätiýaçdaky emin: Ç.Gurbanow (Aşgabat ş.)
Gözegçi emin: R.Pälwanow (Daşoguz ş.)
Tomaşaçy sany: 500
Çempionatyň tablisasy:
| T/b | Toparlar | O | Ý | D | U | T | U |
| 1. | “AHAL” FK | 4 | 4 | 0 | 0 | 8-0 | 12 |
| 2. | “AŞGABAT” FK | 5 | 3 | 1 | 1 | 7-3 | 10 |
| 3. | “KÖPETDAG” FK | 5 | 2 | 2 | 1 | 3-2 | 8 |
| 4. | “ALTYN ASYR” FK | 4 | 1 | 3 | 0 | 5-3 | 6 |
| 5. | “ENERGETIK” FK | 5 | 1 | 2 | 2 | 3-4 | 5 |
| 6. | “ŞAGADAM” FK | 5 | 1 | 2 | 2 | 2-4 | 5 |
| 7. | “NEBITÇI” FK | 5 | 1 | 0 | 4 | 4-10 | 3 |
| 8. | “MERW” FK | 5 | 1 | 0 | 4 | 1-7 | 3 |
Çeşme: http://tff.com.tm/