Ýokary liganyň futbol klublarynyň ýaşlar düzümleriniň gatnaşmagyndaky futbol boýunça Türkmenistanyň birinjiliginiň altynjy tapgyrynyň soňky duşuşygy geçirilip, onda “Ahal II” topary “Energetigiň” ýaşlar düzümini kabul etdi.
“Aşgabat” köpugurly stadionynyň türgenleşik meýdanynda geçirilen duşuşykda Aly Gurnanynyň tälim berýän “Ahal II” topary 3:0 hasabynda ýeňiş gazanyp, toplan 11 utugy bilen ýaryş tertibinde üçünji basgançaga geçmegi başardy.
Ýeri gelende bellesek, 6 duşuşykda 18 utuk toplan paýtagtymyzyň “Altyn Asyr” toparynyň ýaşlar düzümi ýaryş tertibiniň birinji basgançagyny eýeleýär.
Ýaşlar düzümleriniň gatnaşmagynda geçirilýän ýurdumyzyň futbol birinjiliginiň 7-nji tapgyrynyň duşuşyklary 7-nji hem-de 8-nji maýda geçiriler.
Geçirilen duşuşygyň netijesi:
“Ahal II” – “Energetik II” – 3:0
Çempionatyň tablisasy:
| T/b | Toparlar | O | Ý | D | U | T | U |
| 1. | “ALTYN ASYR II” | 6 | 6 | 0 | 0 | 22-3 | 18 |
| 2. | “NEBITÇI II” | 6 | 3 | 3 | 0 | 9-5 | 12 |
| 3. | “AHAL II” | 6 | 3 | 2 | 1 | 10-10 | 11 |
| 4. | “MERW II” | 6 | 3 | 1 | 2 | 12-12 | 10 |
| 5. | “KÖPETDAG II” | 6 | 3 | 0 | 3 | 14-9 | 9 |
| 6. | “ŞAGADAM II” | 6 | 1 | 1 | 4 | 5-17 | 4 |
| 7. | “ENERGETIK II” | 6 | 1 | 0 | 5 | 5-13 | 3 |
| 8. | “AŞGABAT II” | 6 | 0 | 1 | 5 | 6-16 | 1 |
Çeşme: http://tff.com.tm/