Futbol boýunça ýokary liganyň toparlarynyň arasynda geçirilýän Türkmenistanyň çempionatynyň ikinji tapgPaýtagtymyzda ýurdumyzyň çempiony, Halkara türkmen-türk uniwersitetiniň topary öz meýdançasynda Türkmenistanyň geçen ýyl geçirilen çempionatynda 2-nji orna eýe bolan, Aziýa futbol konfederasiýasynyň prezidentiniň Kubogynyň eýesi Balkan toparyny kabul etdi.
Oýnuň 26-njy minutyndana başlap Balkan topary azlykda oýnamaly boldy. Şeýle hem bolsa toparlar arakesmä 0:0 hasabynda çykdylar. Oýnuň ikinji ýarymy başlanansoň, HTTU-nyň hüjümçisi bäsleşigiň 48-nji minutynda öz toparyny öňe çykardy. Balkan toparynyň hasaby deňlemek üçin tagallasy netijesiz boldy. Şeýlelikde, oýun 1:0 hasabynda HTTU-nyň hasabyna tamamlandy.
Türkmenabatda Aşgabat topary bilen ýerli Bagtyýarlyk-Lebap toparynyň oýny 8:0 hasabynda tamamlandy. Ol geçirilen bäsleşikleriň dowamynda iň ýokary hasap boldy. Şu oýunda Aşgabadyň oýunçysy E.Tagaýew garşydaşynyň derwezesine üç pökgüni girizmegi başardy.
Şagadam özüniň ilkinji ýeňşini gazandy. Ol Türkmenbaşy etrabynda täze gurlup ulanmaga berlen stadionda Marynyň Merw toparyndan 2:0 hasabynda üstün çykdy. Pökgüleriň ikisi hem 11 metrlik jerime urgy bilen geçirildi.
Daşoguz şäherinde Türkmenistanyň Prezidentiniň Kubogy iki gezek eýesi Aşgabadyň Altyn asyr topary ýerli Daşoguz topary bilen duşşudy. Myhmanlar azlykda oýnasalar hem 3:0 hasabynda Daşoguz toparyny utmagy başardylar. Şeýlelikde olar alty utuk toplap, çempionatyň tertipnamasynda öňdäki orunda barýar. Aşgabat, Şagadam we HTTU toparlarynyň bolsa ondan iki utugy az bolup, degişlilikdäki orunlary eýelediler.
Aşgabat toparyndan E.Tagaýew we Şagadam toparyndan A.Bolýan iň köp pökgi geçirien oýunçylar hasaplanylýar. Olaryň hersi üç pökgüni garşydaşlarynyň derwezesine girizidiler.
Futbol boýunça Türkmenistanyň çempionatynyň üçünji tapgyry 18-nji martda Ahal we Şagadam toparlarynyň duşuşygy bilen başlanar.yrynyň oýunlary geçirildi.