Köp ugurly “Aşgabat” stadionynda bouling boýunça Türkmenistanyň çempionaty geçirildi. Şahsy hasap boýunça Lebap welaýatynyň türgeni Merdan Gurbanow ýeňiji bolmagy başardy. Eziz Kakabaýew (Ahal) kümüş medaly, Aşgabatly Atanyýaz Annabaýew bürünç medaly gazandylar. Zenanlaryň arasynda paýtagtly türgenler tapawutlanmagy başardylar. Birinji orny Nasiba Orazmedowa, ikinji orny Nigara Nagiýewa, üçünji orny Ýelena Bäşimowa eýelemegi başardylar.
Türkmenistanyň bouling federasiýasy 2014-nji ýylda döredildi. Bu geçirilen bäsleşikler bolsa sportuň bu görnüşini ösdürmäge we ýaýratmaga, oňa gatnaşyjylaryň sport ussatlygyny, tälimçileriň we eminleriň derejelerini ýokarlandyrmaga gönükdirilendir. Bouling Aşgabatda 2017-nji ýylda geçiriljek ýapyk binalarda we söweşjeň sungat boýunça V Aziýa oýunlarynyň progammasyna girýär. Bu möhüm bäsleşiklere ýokary derejeli türgenler taýýarlanmalydyr.