Ýurdumyzyň futbol çempionatynyň birinji tapgyrynyň çäginde şu gün iki duşuşyk geçirildi.
Olaryň ilkinjisinde “Ahal” Balkanabadyň “Nebitçisini” kabul etdi. “Aşgabat” köpugurly stadionynda geçirilen duşuşyk 2:0 hasabynda “Ahalyň” peýdasyna tamamlandy. Ýerli topara ýeňiş getiren toplary Murat Ýakşiýew bilen 11 metrlik urguda Elman Tagaýew geçirmegi başardylar.
Türkmenbaşyda ýerli “Şagadam” paýtagtymyzyň “Aşgabat” topary bilen duşuşdy. Bu duşuşykda hasap açylmady.
Bu tapgyryň birinji duşuşygynyň düýn geçirilendigini ýatladýarys. Onda “Köpetdag” bilen “Energetik” duşuşyp, hasap açylmady.
Bu tapgyryň çäginde duşuşmaly “Altyn Asyr” bilen “Merwiň” arasyndaky oýun 20-nji marta süýşürildi.
Ýurdumyzyň futbol çempionatynyň ikinji tapgyrynyň duşuşyklary 11-nji hem-de 12-nji martda geçiriler.
Geçirilen duşuşyklaryň netijeleri:
“Şagadam” – “Aşgabat” – 0:0
Duýduryş: 45+1 Azat Rahmanow (“Aşgabat”)
Geçirilen ýeri: “Şagadam” stadiony (Türkmenbaşy ş.)
Duşuşygyň emini: A.Gurbanow (Aşgabat ş.)
Kömekçi eminler: A.Begnazarow (Mary ş.), P.Pälwanow (Daşoguz ş.)
Ätiýaçdaky emin: R.Mämmedow (Aşgabat ş.)
Gözegçi emin: B.Atajanow (Daşoguz ş.)
Tomaşaçy sany: 250
“Ahal” – “Nebitçi” – 2:0
Gollar: 22 Murat Ýakşiýew, 73 Elman Tagaýew, 11 m.j.u. (“Ahal”)
Duýduryşlar: 42 Azat Garajaýew, 42 Nurtagan Mämmedalyýew, 73 Batyr Geldiýew (“Nebitçi”)
Geçirilen ýeri: “Aşgabat” stadiony (Aşgabat ş.)
Duşuşygyň emini: B.Allaberdiýew (Aşgabat ş.)
Kömekçi eminler: A.Jumaýew (Aşgabat ş.), R.Isaýew (Mary ş.)
Ätiýaçdaky emin: A.Goşşanow (Tejen ş.)
Gözegçi emin: E.Ramazanow (Aşgabat ş.)
Tomaşaçy sany: 300
Çeşme: http://tff.com.tm/