Türkmenistanyň Sport we ýaşlar syýasaty ministrliginiň «Türkmenistan» Ýaşlar bedenterbiýe-sport guramasynyň Aşgabat şäher bölümi, Aşgabat şäheriniň Sport we ýaşlar syýasaty Baş müdirligi hem-de Aşgabat şäheriniň Baş bilim müdirliginiň bilelikde ylalaşylan meýilnamasyna laýyklykda, «Altyn top» atly futbol boýunça birinjiligini almak ugrunda ýaryşlar geçirildi.
«Altyn top» ýaryşy 2020-nji ýylyň 1-8-nji maýy aralygynda Aşgabat şäheriniň orta mekdepleriniň (2008-2009-njy ýylda doglan) okuwçylarynyň arasynda dowam etdi. Ýaryşyň netijeleri boýunça aşakdaky mekdepler ýeňiji boldy.
I orun: Aşgabat şäheriniň Köpetdag etrabynyň 30-njy orta mekdebi
II orun: Aşgabat şäheriniň Bagtyýarlyk etrabynyň 39-njy orta mekdebi
III orun: Aşgabat şäheriniň Köpetdag etrabynyň 43-nji orta mekdebi
Ýeňijiler Türkmenistanyň Sport we ýaşlar syýasaty ministrliginiň «Türkmenistan» Ýaşlar bedenterbiýe-sport guramasynyň Hormat hatlary hem-de Türkmenistanyň Magtymguly adyndaky Ýaşlar guramasynyň Merkezi Geňeşiniň gymmat bahaly sowgatlary bilen sylaglandylar.
Aýgül ORAZOWA,
«Türkmenistan» Ýaşlar bedenterbiýe-sport guramasynyň Aşgabat şäher bölüminiň hünärmeni
Çeşme: https://msy.gov.tm/