Aşgabat şäherindäki “Köpetdag” stadionynyň konferens-zalynda Aziýanyň Futbol konfederasiýasynyň “C” derejeli tälimçilik lisenziýasyny almak ugrundaky okuw-maslahatyna badalga berildi.
Iki hepdeläp dowam etjek okuw-maslahatyny AFK-nyň gözükdirijisi, ýerli hünärmen Röwşen Muhadow geçirýär. Okuw-maslahatynyň dowamynda R.Muhadowa ýerli hünärmen Eziz Annamuhammedow kömekleşer.
Ýeri gelende bellesek, Türkmenistanyň Futbol federasiýasy AFK-nyň “C” derejeli lisenziýasyny almak ugrundaky okuw-maslahatyny ýylyň-ýylyna geçirip durýar. Bu okuw –maslahatyna diňleýjileriň 24-siniň gatnaşýandygyny ýatladýarys.
4-17-nji maý aralygynda dowam etjek okuw-maslahatynda nazaryýetdir tejribe sapaklary geçiriler.
Okuw-maslahatynyň tejribe sapaklary “Aşgabat” hem-de “Köpetdag” stadionlarynyň meýdançalarynda geçiriler.
Çeşme: http://tff.com.tm/