18 ýaşly Hader Bakla öz watany bolan Iordaniýada meşhurlyk gazandy. Geçen tomus, bu zehinli ýüzüji, Iordaniýada erkekleriň arasynda 200 metr aralykda erkin ýüzmek boýunça rekord goýdy. Şeýle hem, Rio şäherinde geçirilen Olimpiýa oýunlarynda şu ýüzmek görnüşi boýunça ýeňiş bilen dolanyp geldi.
Türgeniň gazanan netijeleri ýarym finalda onuň üçin ýer kepillendirip bilmese-de, ýylyň dowamynda ýetilen milli rekortdan 5 sekunty garbap aldy we dünýäniň sport arenasyna zehinli ýetginjegiň gelendigini yglan etdi.
Bu wakadan soň, Florida uniwersitetinde okuwyny dowam etmek üçin Amerikanyň Birleşen Ştatlaryna göçdi. Elbetde, bu ýetginjegiň köp üstünlikleri gazanmagyna garaşylýar. Ýaňy-ýakynda, maý aýynda Bakla öz mähriban Iordaniýasy üçin iki altyn we bir bürünç medallary gazanmak maksady bilen Bakuwda geçirilen Yslam raýdaşlyk oýunlaryna gatnaşdy.
Şu ýylyň ikinji ýarymýyllygy Bakla köp işleri taýýarlaýar. Iýun aýynda Dünýa çempionatyna gatnaşmagy hem okuw jogapkärçiliklerini bilelikde alyp barar we 17-27-nji sentýabr aralygynda Ýapyk binalarda we söweş sungaty boýunça V Aziýa oýunlaryna gatnaşmak üçin, Türkmenistanyň paýtagty Aşgabat şäherine gelmek bilen öz syýahatyny dowam eder.
“Islendik wagt Iordaniýa üçin ýaryşa gatnaşmaga men elmydama taýýar bolmagym juda wajyp.
Men öz watanymy juda söýýärin we ony buýsandyrmak üçin güýjümi gaýgyrmaryn. Azerbaýjanda iki gezek ýurdumyň döwlet baýdagynyň galdyrylmagyna sebäp bolmagym, Iordaniýa mundan hem has köp üstünlikleri gazanmak duýgusyny döretdi”.
Hader – Aşgabat şäherine geljek Iordaniýanyň ýygyndy toparynyň düzümine girýän, olimpiýadanyň iki gezek çempiony bolan Talitanyň jigisidir.
Bu iki türgen kiçiliginden doktor Ali Al Nawaisehde tälim aldylar we sentýabrda geçiriljek ýaryşda bu tälimçi ýene bir gezek suw howzunyň golaýynda durar.
“Aýal doganym maňa uly täsir etdi. Şeýle-de, gazanan üstünliklerim üçin uzak ýyllaryň dowamynda goldaw beren Ali tälimçime borçludyryn”.
Daşary ýurtda, watanyndan hem maşgalasyndan aýralyga döz gelmeli bolan Hader, inžener hünärini öwrenmek bilen türgenleşikleriň arasynaa deňagramlylyk saklamak üçin, dogry çemeleşmeli bolýar.
“Ilkinji birnäçe aý meniň üçin juda agyr boldy” diýip, türgen ýatlaýar. “Töwerek-daşymda ähli zat täze, men bolsa hem ýüzmekde, hem okuwda ähli zadyň ugruny tapjak bolup çemeleşýärin. Indi men uýgunlaşdym we zatlar öňküsi ýaly çylşyrymly görünmeýär. Meni gowy adamlar gurşap alýar, olar elmydama meni goldaýarlar we ýardam berýärler. Bilim meniň durmuşymda wajyp orun eýeleýär”.
Haderiň watany bolan Iordaniýa-da suratdaky ýyldyza öwrüldi. Onuň yzy bilen janköýerler, köpçülikleýin internet sahypalarynda “suwdaky Jastin Biber” diýip at berlen Hytaýa hem tanalýar.
“Olimpiýa oýunlaryndan soň meniň üstünliklerime gyzyklanma bildirilýändigini duýýaryn. Aşgabat şäherinde geçiriljek oýunlara sabyrsyzlyk bilen garaşýandygymy öz janköýerlerime aýtmak isleýärin”.
2017-nji ýylda Aşagabat şäherinde geçiriljek Oýunlarynda Bakla 100, 200, 300 metr aralykda ýüzmek boýunça ýaryşlarda çykyş etmegine garaşylýar. Ýapyk binalarda we söweş sungaty boýunça geçiriljek V Aziýa oýunlarynyň suwda ýüzmek ýaryşy 22-nji sentýabrda häzirkizaman Olimpiýa suw-sport toplumynda başlanar.
Çeşme: ashgabat2017.gov.tm