Eýran bilen BMG-nyñ Howpsuzlyk geñeşiniñ hemişelik 5 agzasy we Germaniýanyñ arasynda 23-nji maýda Bagdatda geçiriljek ýadro gepleşiklerinden ozal Wenadan gelen habarlar uly umyt döretdi.
Halkara Atom energiýasy gullugy bilen Eýranyñ arasynda Wenada geçirilýän gepleşiklerde öñe gidişligiñ edilendigi aýan edildi.
Diplomatik çeşmeler Eýran bilen Halkara Atom energiýasy gullugynyñ ýadro desgalarynda geçiriljek barlaglary kadaly ýagdaýa getirmek üçin gepleşik geçirýändigini nygtaýar.
Eýranyñ hökümeti ýadro synagyñ geçirlendigi öñe sürlen Perçin harby bazasynda barlag geçirilmeginden ozal Halkara Atom energiýasy gullygy bilen şertnama baglaşylmagy şertini öñe sürýär.
Eýran bilen Halkara Atom energiýasy gullugynyñ arasynda şertnama baglaşylyp baglaşylmajakdygy meselesi duşenbe güni geçiriljek gepleşikden soñ belli bolar.
Halkara Atom energiýasy gullugynyñ başlygy Ýukiýa Amanonyñ gepleşiklere gatnaşmak üçin ýekşenbe güni Tährana gitjekdigi habar berildi.
referans: www.trtturkmen.com