Kataryň Emiri Gazanyň täzeden dikeldilmegi üçin işe girişjekdigini aýtdy.
Kataryň Emiri Hammad Bin Halyfa Al Sani bilen aýaly Şeýha Muzanyň ertir Gaza gurajak saparynyň çäginde şäheriň täzeden dikeldilmegi üçin täze taslamalaryň başladyljakdygy mälim edildi.
Palestinaly çeşmeler Kataryň Emirine katarly ministrlerden we işewür adamlaryndan ybarat bolan 50 adamlyk toparyň ýoldaşlyk etjekdigini nygtady.
Saparyň çäginde Gazanyň täzeden dikeldilmegi üçin 254 million dollarlyk taslamanyň durmuşa geçirilmegi üçin işe girişiljekdigi ýatladyldy.
Kataryň Emiriniň sapary mynasibetli berk howpsuzlyk çäreleri görüldi.
Kataryň Emiri saparynyň çäginde Han Ýunusda ýaşaýyş jaýlarynyň açylyş dabaryna gatnaşar.
Kataryň paýtagty Dohada ýaşaýan Hamasyň syýasy işlerden jogapkär müdüri Halid Meşalyň saparyň çäginde Kataryň Emirine ýoldaşlyk edip etmejekdigi bolsa heniz belli däl.
Kataryň Emiriniň Gaza gurajak sapary Ysraýylyň 1967-nji ýylda Gazany basyp almagyndan bäri arap ýurdunyň lideriniň sebite gurajak ilkinji sapary bolar.