Gazagystanyń Prezidenti Nazarbaýew Gazagystanyń paýtagty Astanada guralan Birinji Astana Ykdysadyýet Forumynda eden çykyşynda başdan geçirilen sońky ykdysady krizisi ýatladyp, täze pul birligine geçilmelidigini nygtady.
Başdan geçirilen sońky ykdysady krizisiń täsirleriniń henizem dowam edýändigini bellän Nazarbaýew “Bu krizis şeýle kynçylyklaryń başdan geçirilmezligi üçin täze halkarüsti pul birligine geçilmeginiń hökmanydygyny görkezdi. Dollar indi ozalky hümmetini we güýjüni ýitirmäge başlady. Onuń ýerine rus bubly ýa-da Hytaýyń ýuany güýçlenip biler. Emma olar ekmydam wagtlaýyn bolar. Başga krizisin başdan geçirilmezligi üçin dińe halkarüsti pul birligine geçilmeli” diýdi.
Gazagystanyń global maliýe krizisiniń täsirinden gysga möhletde çykmaga başlandygyny aýdan Nazarbaýew ykdysadyýetiń 2010-njy ýylyń birinji ýarymynda 8 göterimden gowrak ösendigini aýtdy.
İçerki milli girdejinin ýylyń ilkinji bäş aýynda 8,3 göterime deń bolandygyny gürrüń beren Nursoltan Nazarbaýew gazak hökümetiniń ýylyń ahyryna çenli göz öńünde tutýan ösüş maksadyny 4 göterim hökmünde kesgitländigini ýatlatdy.
referans: www.trtturkmen.com