RAÝATLARYŇ BIREK-BIREGIŇKÄ GITMEGI HAKYNDA TÜRKMENISTANYŇ HÖKÜMETI BILEN RUSSIÝA FEDERASIÝASYNYŇ HÖKÜMETINIŇ ARASYNDAKY Y L A L A Ş Y K
Mundan beýläk Taraplar diýlip atlandyrylýan Türkmenistanyň Hökümeti we Russiyá Federasiyasynyňli Hökümeti,
iki döwleitiň arasyndaky dostlukly we hoşniýetli goňşuçylyk gatnaşyklaryny mundan beyläk-de ösdümek islegini goldanyp, deňhukuklylyk we özara bähbitli ýörelgeler esasynda raýatlaryň birekbiregiňkä
gitmeginiň tertibini kämilleşdirmäge çalsyp, şu aşakdakylar hakynda ylalaşdylar:
1-madda
Taraplaryň biriniň döwletiniň raýatlary № 1 we 2 goşundylara laýyklykda hakyky resmi kagyzlar boýunça we Ylalaşykda göz öňünde tutulan şertlerde beýleki Tarapyň döwletiňiň çäklerine gelýärler, çäklerinden gidýärler we çäkleri boýunça hereket edýärler.
2- madda
1. Bir Tarapyň döwletiniň hakyky diplomatik ýa-da gulluk pasportlarynyňeýeleri bolan raýatlary wizasyz beýleki Tarapyň döwletiniň çäklerine gelýärler, çäklerinden gidýärler we çäkleriniň üsti bilen hereket edýärler. Şu maddada
görkezilen adamlar beýleki Tarapyň döwletiniň çäklerinde serhetden geçen senesinden başlap otuz günüň dowamynda bolup bilerler. Eger Taraplaryň biriniň döwletiniň raýatlary (diplomatik we gulluk
pasportlarynyň eýeleri) beýleki Tarapyň döwletiniň çäklerinde otuz günden köp bolmagy niýet edinýän bolsa, onda şol adamlar raýaty bolup durýan döwletiň diplomatik ýa-da konsullyk edarasy bolunýan döwletiň DIM-ne şol adamyň bolýan möhletini uzaltmak hakynda ýüztutma iberýär ol öz gezeginde degişli
tassyknamany berýär.
2. Taraplaryň biriniň döwletiniň beýleki Tarapyň döwletiniň çäklerinde ýerleşen diplomatik wekilçiligiň ýa-da konsullyk edarasynyň ýa bolmasa başga bir resmi wekilçilikleriň, şeýle hem halkara guramalarynyň işgärleri bolup
durýan we Taraplaryň biriniň döwletiniň hakyky diplomatik ýa-da gulluk pasporty bolan raýatlary resmi işiň ähli möhletinde wizasyz beýleki Tarapyň döwletiniň çäklerine gelýärler, çäklerinden gidýärler we çäkleriniň üsti bilen
hereket edýärler. Taraplaryň biriniň döwletiniň diplomatik wekilçiligi ýatlanylyp geçilen işgärleriň iş ýerine gelendigi hakynda beýleki Tarapyň döwletiniň Daşary işler ministrligini habardar edýär.
3. Şu maddanyň 2- punktunda ýatlanylyp geçilen işgärler bilen bilelikde ýaşaýan hakyky diplomatik ýa-da gulluk pasportlary bolan maşgala agzalary (äraýallary, çagalary, ene-atalary, agtyklary, şeýle hem olaryň eklenjindäki beýleki adamlar) şol işgäriň resmi işiniň möhletiniň dowamynda wizasyz beýleki Tarapyň döwletiniň çäklerinde bolup biler.
4. Şu maddanyň 2 we 3- punktlarynda görkezilen adamlar bolunýan
döwletiň Daşary işler ministrligi Tarapyndan degişli ýagdaýda resmi taýdan
bellenilmelidir.
3-madda
Türkmenistanyň çäklerinde hemişelik ýaşaýan Russiýa Federasiýasynyň raýatlary we Russiýa Federasiýasynyň çäklerinde hemişelik ýaşaýan Türkmenistanyň raýatlarý şu Ylalaşygyň № 1 we 2- goşundylarynda sanalyp
geçilen resmi kagyzlar, hemişelik ýaşaýandygy hakynda bellikler bar mahaly wizasyz, ýaşaýan döwletiniň ygtyýarly edaralarynyň beren we bir döwletiň raýatynyň şahsyýetine güwä geçýän resmi kagyzlary boýunça öz raýat bolan
döwletiniň çäklerine gidýär we beýleki ýurduň çäklerindäki hemişelik ýaşaýan ýerine gaýdyp gelýär.
4-madda
Taraplaryň döwletleriniň iki raýatlyga eýe bolan raýatlary hemişelik ýaşaýan döwletiniň hakyky milli pasporty boýunça we beýleki Tarapyň döwletiniň raýatlygyny tassyklaýan resmi kagyzy bar mahaly wizasyz Taraplaryň
döwletleriniň çäklerine gelýärler, çäklerinden gidýärler we çäkleri boýunça hereket edýärler.
5-madda
Taraplaryň döwletleriniň 1993-ýylyň 23-dekabrynda Aşgabat şäherinde gol çekilen, göçmek işini düzgünleşdirmek we göçýänleriň hukuklaryny goramak hakynda Türkmenistanyň Hökümeti bilen Russiýa Federasiýasynyň Hökümetiniň arasyndaky Ylalaşyga laýyklykda göçýänleriň derejesini alan wagtlary beýleki Tarapyň döwletiniň çäklerine göçen mahaly hemişelik ýaşaýan Tarapynyň döwletiniň hakyky milli pasporty we göçýäniň derejesiniň barlygyny tassyklaýan resmi kagyz boýunça wizasyz gidýärler.
6- madda
l. Şular:
a) hakyky milli pasportlary boýunça we baş deklarasiýada (uçuş tabşyrygynda) ýazgy bar mahaly raýat awiasiýasynyň howa gämisiniň ekipažlarynyrň agzalary;
b) deňiz hem-de derýa gämileriniň ekipažlarynyň agzalary;
ç) hakyky milli pasportlary boýunça, gatnaw marşrut listleri bar mahaly demirýollaryň otly, refirižerator we lokomotiw brigadalarynyň işgärleri;
d) hakyky milli pasportlary we hökümetara feldýegerçilik aragatnaşygynyň işgäriniň şahadatnamasy boýunça hökümetara feldýegerçilik aragatnaşygyň işgärleri;
e) tebigy betbagtçylyklaryň, heläkçilikleriň we epidemiýalalyň zyýanly netijeleri ýok edilen mahaly kömek bermek üçin gidýän adamlar;
ä) Russiýa Federasiýasynyň Goranmak ministrliginiň we Russiýa Federasiýasynyň Federal serhet gullugynyň Russiýa Federasiýasynyň Goranmak ministrliginiň hem-de Russiýa Federasiýasynyň Federal serhet gullugynyň
Türkmenistanyň çäklerindäki operatiw toparlarynyň düzümine gidýän harby gullukçylary hem-de raýat işgärleri, şeýle hem olaryň maşgala agzalary; iş saparyna, şol sanda rus raýatlarynyň eden hukuk düzgünleriniň
bozulmalaryny derňemek üçin, Russiýa Federasiýasynyň Goranmak ministrliginiň we Russiýa Federasiýasynyň Federal serhet gullugynyň Türkmenistanyň çäklerindäki operatiw toparlaryna gidýän Russiýa Federasiýasynyň
Goranmak ministrliginiň, Russiýa Federasiýasynyň Içeri işler ministrliginiň, Russiýa Federasiýasynyň Federal serhet gullugynyň, Russiýa Federasiyasynyň Federal Howpsuzlyk gullugynyň harby gullukçylary, Russiýa Federasiýasynyň
sudýalary we sudlaryň edaralarynyň işgärleri, prokurorlary hem-de prokuratura edaralarynyň işgärleri şu Ylalaşygyň № 1 we 2 goşundylarynda sanalyp geçilen resmi kagyzlar boýunça iki döwletiň serhetlerinden geçmegiň wizasyz tertibi saklanyp galýar.
2. Şu maddanyň 1-punktunyň “e” kiçi punktunyň düzgüni 1993-ýylyň dekabrynda Aşgabat şäherinde gol çekilen, Türkmenistanyň döwlet serhedini bilelikde goramak we Russiýa Federasiýasynyň Serhet goşunlarynyň
Tükmenistanyň çäklerindäki harby gullukçylarynyň derejesi hakynda Türkmenistan bilen Russiýa Federasiýasynyň arasyndaky Şertnamanyň, şeýle 1992-ýylyň 31- iýulynda Moskwa şäherinde gol çekilen, Russiýa Federasiýasynyň
HHG we HHG goşunlarynyň bölümleriniň hukuk derejesi we Türkmenisianyň çäklerinde bolmagynyň şertleri hakynda Türkmenistanyň hökümeti bilen Russiýa Federasiýasynyň Hökümetiniň arasyndaky Ylalaşygyň hereket edýän döwründe ulanýlýar.
7-madda
Taraplar 1995- ýylyň 18- maýynda Moskwa şäherinde gol çekilen, halkara awtomobil gatnawy hakynda Russiýa Federasiýasynyň Hökümeti bilen Türkmenistanyň Hökümetiniň arasyndaky Ylalaşyga laýyklykda ulag kärhanalary
çakylyklar esasynda diplomatik we konsullyk edaralaryna ýüz tutan mahaly halkara awtomobil gatnawlaryny amala aşyrýan ulag serişdeleriniň sürüjilerine 12 aýa çenli möhlet bilen köp gezeklik wizalary bererler, şeýle hem ýokarda ýatlanyp geçilen Ylalaşyga laýyklykda Taraplaryň ygtyýarly edaralarynyň ygtyýarnamalary bar mahaly bir gezeklik wizalary bererler.
8-madda
Taraplaryň biriniň döwletiniň raýatlary beýleki Tarapyň döwletiniň wizalaryny almak üçin onuň diplomatik wekilçiligine ýa-da konsullyk edarasyna bellenilen tertipde resmileşdirilen we kabul edýän döwletiň degişli edara
görnüşindäki Tarapyndan ýa-da şahsy adamyndan alnan çakylygy görkezýärler, şu Ylalaşykda görkezilen halatlar muňa girmeýär.
9-madda
Taraplaryň her biri beýleki Tarapyň döwletiniň turistik maksatlar bilen gezelençleri amala aşyrýan raýatlaryna wizalary resmileşdirmegiň ýönekeýleşdirilen tertibini ulanarlar. Şeýle gezelençleri amala aşyrmagyň
usullaryny Taraplar diplomatik kanallar boýunça resmi namalary alyşmak netijesinde ýlalaşarlar.
10-madda
Taraplar söwda-ykdysady we ylmy-tehniki hyzmatdaşlyk, şeýle hem hukuk goraýjy ugurda özara arkalaşykly hereket etmegi amala aşyrmak babatda meşgullanýan adamlaryň wiza baradaky resmi soramalaryna olarda kabul edýän
guramalaryň bellenilen tertipde resmileşdirilen çakylyklary bar mahaly 72 sagadyň dowamynda gararlar.
11-madda
Ynsanperwerlik we beýleki gyssag häsiýetindäki gaýragoýülmasyz halatlarda Taraplar eger şeýle gitmeler şulardan:
a) Taraplaryň ygtyýarly edaralary Tarapyndan berlen degişli tassyknamany görkezmegi boýunça agyr keselli maşgala agzasynyň ýa-da ýakyn dogangaryndaşlarynyň ýanyna barmak maksady bilen, maşgala agzasynyň ýa-da ýakyn dogan-garyndaşynyň jaýlanmagyna gatnaşmak üçin gitmelerden;
b) ygtýarly edaralar Tarapyndan berlen we beýleki Tarapyň döwletiniň çäklerine gyssagly gitmegiň zerurlygyny tassyklaýan resmi kagyzlar bar mahaly gyssagly medisina kömegine- mätäç adamlaryň ýa-da agyr keselli adamlaryň, şeýle hem olaryň ýany bilen gidýän adamlaryň gitmelerden;
ç) kabul edýän Tarapyň döwletiniň ulanylýan kanunlaryna laýyklykda resmileşdirilen resmi kagyzlaryň görkezilmegi boýunça ynsanperwerlik kömegine degişli ýükleriň ýany bilen gitmegi üçin gitmelerden ybarat bolsa, Taraplaryň
ygtyýarly edaralary 24 sagadyň dowamynda mugt wizalary bererler.
12- madda
Taraplaryň ygtyýarly edaralary beýleki Tarapyň döwletiniň diplomatik wekilçilikleriniň ýa-da konsullyk edaralarynyň işgärleriniň ýakyn dogangaryndaşlaryna (är-aýallaryna, çagalaryna, ata-enelerine we agtyklaryna, seýle hem olaryň eklenjinde durýan beýleki adamlara) wizalary mugt we mümkin bolan gysga möhletlerde bererler.
13-madda
Şu halatda:
a) Tassyklaýjy resmi kagyzlaryň görkezilmegl boýunça beýleki Tarapyň döwletiniň çäklerinde raýata eýeçilik hukugynda degişli bolan gozgalmaýan emläge eýelik edilende;
b) beýleki Tarapyň döwletiniň çäklerinde mirasy almagy tassyklaýan resmi kagyzyň görkezilmegi boýunça miras almaga bolan hukugyň durmuşa geçirilmegi zerur bolanda wizalary almak üçin çakylyk talap edilmeýär.
14- madda
Taraplaryň ygtyýarly edaralary kabul edýän döwletiň çäklerinde hemişelik ýaşaýan ýakyn dogan-garyndaşlary bolan adamlara şol dogan-garyndaşlaryndan şol Tarapyň döwletiniň kanunlaryna layýklykda resmileşdirilen çakylyklary
görkezmegi boýunça bir ýylyň dowamynda hakyky köp gezeklik wizalary bererler.
15- madda
Konsullyk ýygymlarynyň nyrhlaryny Taraplar diplomatik kanallar boýunça resmi namalary alyşmak arkaly özara ýaramly şertlerde belleýärler.
16- madda
Wizalaryň berlendigi üçin konsullyk ýygymlary bir Tarapyň döwletiniň beýleki Tarapyň döwletiniň çäklerindäki döwlet okuw jaýlarynda okaýan raýatlaryndan alynmaz.
17-madda
Taraplar özara ylalaşmak esasynda: Taraplaryň halkara şertnamalaryna we ylalaşyklaryna laýyklykda ylym,
tehnika, hukuk goraýyş işi, bilim, medeniýet, sungat, sport we ýaşlaryň alşylmagy babatda alyş-çalyş tertibinde gidýän adamlara-jaýlanan ýerini tassyklaýan resmi kagyz bar mahaly ýakyn dogan-garyndaşlarynyň mazarlaryna baryp görýän adamlara (ýylda ýedi güne çenli we bir gezekden köp bolmazdan) wizalaryň berlendigi üçin konsullyk ýygymlarynyň ýeňillikli nyrhlary ulanarlar.
18-madda
Bir Tarapyň döwletiniň raýatlary beýleki Tarapyň döwletiniň kanunlaryna laýyklykda döwlet serhedinden geçilen mahaly zerur resmilikleri berjaý etmek bilen beýleki Tarapyň döwletiniň çäklerine gelýärler we üstünden geçýärler hemde halkara gatnawlary üçin açylan geçiriş ýerleriniň üsti bilen gidýärler.
19- madda
Bir Tarapyň döwletiniň raýatlary beýleki Tarapyň çäklerinde bolan wagtda şol Tarapyň döwletiniň kanunlary we kadalary, şol sanda daşary ýurt raýatlar üçin bellenilen bellige alyş, bolmak we hereket etmek kadalaryny berjaý edýärler.
20- madda
Taraplaryň biriniň ygtyýarly edaralary beýleki Tarapyň döwletiniň raýatlarynyň gelmeginden boýun gaçyrmaga ýa-da olaryň öz çäklerinde bolmagyny çäklendirmäge hukugy bardyr. Taraplaryň her biri öz döwletiniň beýleki Tarapyň döwletiniň çäklerinden möhleti dolýança çykmak bellenilen ýa-da çykaryljak raýatlary gaýragoýman kabul etmek üçin çäreleri görer.
21- madda
1. Taraplaryň Daşary işler ministrlikleri şu Ylalaşyga № 1 we 2 goşundylarda sanalyp geçilen resmi kagyzlaryň nusgalary şol Ylalaşyk güýje giren gününden başlap 30 günden gijä galman diplomatik kanallar boýunça alyşýarlar.
2. Taraplar daşary ýurtly raýatlaryň we raýatlygy bolmadyk adamlaryň hukuk ýagdaýyny düzgünleşdirýän, öz döwletleriniň kanunlary hakynda hemde şahsyýeti tassyklaýan we raýatlygy tassyk edýän täze resmi kagyzlar hakynda diplomatik kanallar boýunça birek-birege öz wagtynda habar bererler hem-de olaryň nusgalaryny ibererler, şeýle hem şu ylalaşyga № 1 we 2 goşundylarda görkezilen resmi kagyzlara degişli üýtgetmeler hakynda habardar ederler.
22- madda
Taraplaryň her biriniň eger şeýle çäreler döwletiň howpsuzlygyny üpjün etmek, jemgyýetçilik tertibini ýa-da ilatyň saglygyny goramak üçin zerur-bolsa, wagtlaýyn çäklendirme girizmäge ýa-da şu Ylalaşygyň ýa bolmasa onuň bir
böleginiň güýjüni duruzmaga hukugy bardyr. Şeýle çäreleriň görlendigi we ýatyrylandygy hakynda beýleki Tarapa
diplomatik kanallar boýunça haýal edilmän habar berilmelidir.
23- madda
Taraplar zerurlyga görä şu Ylalaşygyň ýerine ýetirilişiniň barşyny seljermek we şunuň bilen baglanyşykly meseleleri ara alyp maslahatlaşmak üçin nobatmanobat Aşgabat şäherinde we Moskwa şäherinde pikir alyşmalary geçirerler.
Şu Ylalaşygy ýerine ýetirmegiň ýa-da ulanmagyň barşynda ýüze çykýan islendik çaprazlyklar Taraplaryň arasynda pikir alyşmalary ýa-da gepleşikleri geçirmek arkaly çözüler.
24- madda
Şu Ylalaşyga Taraplaryň ylalaşmagy boýunça resmi namalar ýa-da aýratyn protokollar alyşmak arkaly üýtgetmeler we goşmaçalar girizilip bilner, olar bolsa şu Ylalaşygyň aýrylmaz bölegi bolup durýar.
25- madda
Şu Ylalaşyk oňa gol çekilen günden başlap güýje girýär we Taraplaryň biriniň şu Ylalaşygyň güýjüni bes etmek baradaky öz meýli hakynda beýleki tarapyň ýazmaça habarnamasyny alan gününden başlap togsan gün geçýänçä hereket edýär.
Aşgabat şäherinde 1999- ýylyň ” 17 ” iýulynda her biri türkmen we rus dillerinde iki asyl nusgada amal edildi, özi-de iki tekstiň birmeňzeş güýji bardyr.
Türkmenistanyň Hökümetiniň adyndan Russiýa Federasiyasynyň Hökümetiňiň adyndan
Raýatlaryň birek-biregiňkä gitmegi hakynda Türkmenistanyň Hökümeti bilen Russiýa Federasiýasynyň Hökümetiniň arasyndaky Ylalaşyga
1 GOŞUNDY
Türkmenistanyň raýatlarynyň Russiýa Federasiýasynyň çäkleri boýunça gelmegi, gitmegi we hereket etmegi üçin resmi kagyzlaryň S A N A W Y
1. Türkmenistanyň raýatynyň pasporty.
2. Ozalky SSSR-iň raýatynyň Türkmenistanyň raýatlygy hakyndaky belligi bolan ýa-da Türkmenistanyň raýatlygyna degişlidigi hakyndaky ýazgysy ýa bolmasa 1992-ýylyň 21-oktýabryna çenli ýagdaý boýunça Türkmenistanyň çäklerinde , bellige alynmagy (hemişelik ýazga alnandygy) hakyndaky ştampy bolan pasporty.
3. Türkmenistanyň raýatlygy hakynda ýazgysy ýa-da belligi bolan, ozalky SSSR-iň nusgasyndaky daşary ýurt pasporty.
4. Dogluş hakyndaky şahadatnama (16 ýaşa çenli çagalar üçin).
5. Diplomatik pasport.
6. Gulluk pasporty.
7. Deňizçiniň pasporty (gämi roly ýa-da ondan göçürme bolan halatynda).
8. Howa gämisiniň ekipažynyň agzasynyň uçuş şahadatnamasy (ekipažyň düzüminde ýolda bolan wagty).
9. Türkmenistana gaýdyp gelmek üçin şahadatnama (diňe Türkmenistana gaydýp gelmek üçin).
10. Hökümetara feldýegerçilik aragatnaşygynyň işgäriniň şahsyýetini tassýklaýan şahadatnama.
Raýatlaryň birek-biregiňkä gitmegi hakynda Türkmenistanyň Hökümeti
bilen Russiýa Federasiýasynyň Hökümetiniň arasyndaky Ylalaşyga
2 GOŞUNDY
Russiýa Federasiýasynyň raýatynyň Türkmenistanyň çäkleri boýunça gelmegi, gitmegi we hereket etmegi üçin resmi kagyzlaryň S A N A W Y
1. Ozalky SSSR-iň raýatynyň Russiýa Federasiýasynyň raýatlygy hakyndaky goşundysy delil haty (belligi) bolan ýa-da Russiýa Federasiýasynyň raýatlygyna degişlidigi hakyndaky ýazgysy ýa bolmasa 1992- ýylyň 26- fewralyna çenli ýagdaý boýunça Russiýa Federasiýasynyň çäklerinde bellige alynmagy (hemişelik ýazga alnandygy) hakyndaky ştampy bolan pasporty.
2. Russiýa Federasiýasynyň raýatynyň pasporty.
Russiýa Federasiýasynyň raýatlygy hakynda ýazgysy ýa-da belligi bilen ozalky SSSR-iň nusgasyndaky umumyraýat daşary ýurt pasporty.
3. Dogluş hakyndaky şahadatnama (16 ýaşa çenli çagalar üçin).
4. Russiýa Federasiýasynyň Ýaragly Güýçleriniň, Russiýa Federasiýasynyň Içeri işler ministrliginiň, Russiýa Federasiýasynyň Federal serhet gullugynyň, Russiýa Federasiýasynyň Federal howpsuzlyk gullugynyň harby gullukçysynyň, Russiýa Federasiýasynyň sudýasynyň we sudunyň edarasynyň işgäriniň, prokurorynyň hem-de prokuratura edaralarynyň işgäriniň şahsyýetini tassyklaýan şahadatnama.
5. Diplomatik pasport.
6. Gulluk pasporty.
7. Russiýa Federasiýasynyň pasporty (daşary ýurt pasporty).
8. Russiýa Federasiýasynyň raýatlygy hakynda ýazgysy ýa-da belligi bilen ozalky SSSR-iň nusgasyndaky daşary ýurt pasporty.
9. Deňizçiniň pasporty (gämi roly ýa-da ondan göçürme bolan halatynda).
10. Howa gämisiniň ekipažynyň agzasynyň uçuş şahadatnamasy (ekipažyň düzüminde ýolda bolan wagty).
11. Russiýa Federasiýasynyň gaýdyp gelmek üçin şahadatnama (diňe Russiýa Federasiýasyna gaýdyp gelmek üçin).
12. Hökümetara feldýegerçilik aragatnaşygynyň işgäriniň şahsyýetini tassyklaýan şahadatnama.
Çeşme: Türkmenistanyň Döwlet Migrasiýa Gullugy