Galyndynyň häzirki wagta çenli tapylan iň gowy saklanan mamont galyndysydygy habar berildi.
Boýy 2 metr, agramy 500 kilogram bolan mamont galyndysy, bir gowagyň ýanynda oýnaýan 11 ýaşly çaga tarapyndan tapyldy.
Güjükleri bilen gezmäge çykan çaga, gowagyň ýanynda bir süňk tapypdyr.
Süňküň tapylan ýerine çagyrylan alymlaryň geçiren gazuw-agtaryş işleriniň netijesinde mamontyň galan bölekleri hem çykaryldy.
Aradan geçen 30 müň ýyla garamazdan zaýalanmadyk galyndylaryň arasynda mamontyň derisiniň bölekleri, içki organlary we hatda ýag gatlaklary bar.
15-16 ýaşlaryndadygy takmyn edilýän ýaş mamontyň ýekeje dişiniň bolmagy, başga mamontlar bilen uruşýarka ölendigi barasyndaky çaklamalary güýçlendirýär.
Alymlaryň aýtmagyna görä ýag gatlagy bolsa mamontyň tomus paslynda ölendigini subut edýär.
Mamontyň galyndysy giňişleýin öwrenilmek üçin dik uçar bilen ylmy barlag institutyna alnyp gidildi.
Pilleriň atasy hasaplanylýan mamontlar Demirgazyk Afrikada we Ýewropa materiginde ýaşaýapdyr. Mamontlar nesli howanyň çalyşmagy we köp awlanmaklary sebäpli 10 müň ýyl ozal ýitipdir.