Türkmenistanyň tebigaty goramak ministrliginiň Çöller, ösümlik we haýwanat dünýäsi Milli institutynyň maslahatlar jaýynda BMG-iň tebigaty goramak konwensiýalaryň ýerine ýetirilmegi boýunça Döwlet toparynyň düzüminde işçi toparynyň çölleşmä garşy Konwensiýasynyň çäklerinde hyzmatdaşlygy sazlaşyrmagyň we hyzmatdaşlygyň ugurlaryny we gurallaryny işläp düzmek atly milli maslahaty geçirildi.
Maslahat topragyň gorlaryny dolandyrmak boýunça Orta Aziýa döwletleriň başlangyjy şeýle-de Global ekologiki gaznanyň we halkara hyzmatdaşlyk boýunça German jemgyýetiniň ýardam bermegi esasynda geçirildi.
Maslahata Türkmenistanyň tebigaty goramak ministrliginiň, Türkmenmallary assosiasiýasynyň, oba hojalyk ministrliginiň , şeýle-de ylmy-barlag guramalaryň, ýokary okuw mekdepleriniň, beýleki edaralaryň we guramalaryň wekilleri gatnaşdylar.
Seminaryň gün tertibinde Çölleşmä garşy Milli Maksatnamasynyň düzgünnamalaryny ýerine ýetirmek boýunça gollanmalary işläp taýýarlamak meseleleri bolup, olara çägelikleri tokaýlaşdyrmak we berkitmek boýunça dürli çäreler, çölleşme ýagdaýlarynyň monitoringi, ylmy gözlegleri geçirmek, ýerli ilat bilen işleşmek we başga meseleler girýär.