Nepalyň paýtagty Katmanduda geçirilýän AFK-niň Kubogy ugrunda final ýarşynda Türkmenistanyň ýygyndy toparynyň futbolçylary ýarym finala çykmak ugrunda ýene-de bir ädim ätdiler.
Türkmenistanyň at gazanan tälimçisi Ý.Hojageldiýewiň şägirtleri birinji tapgyrda Maldiw adalarynyň toparlaryndan 3:1 hasaby bilen ýeňiş gazananlaryndan soň Palestinanyň ýygyndy topary bilen 0:0 hasabynda deňme-deň oýnadylar we 4 oçko bilen “A” toparynda ýaryş tablisasynyň ýokarky setirinde saklanyp galdylar.
Palestinanyň futbolçylarynyň hem 4 oçkosy bar, olar ýaryşda 2:0 hasaby bilen Nepalyň toparyndan üstün çykdylar. Emma olar tora salnan pökgüleriň san tapawudynda Türkmenistanyň ýygyndy toparyndan ýeňilip, iknji orny eýeleýärler.
Ikinji tapgyrda ýer eýeleri Nepalyň futbolçylaryndan 1:0 hasaby bilen üstün çykanlaryndan soň Maldiw adalarynyň ýygyndy topary üçünji orna çykdy, olaryň 3 oçkosy bar.
“W” toparynda ilkinji ýarym finala çykan topar kesgitlenildi. Ol 6 oçko bilen öňde barýan KHDR-niň ýygyndy toparydyr.
Her topardan iň oňat komandalaryň ikisi ýarym finala çykar.
Jemleýji tapgyrda Nepalyň ýygyndy topary bilen Türkmenistanyň ýygyndy topary, Maldiw adalarynyň ýygyndy topary bilen Palestinanyň ýygyndy topary, KHDR-niň ýygyndy topary bilen Hindistanyň ýygyndy topary we Täjigistanyň ýygyndy topary bilen Filipinleriň ýygyndy topary duşuşýarlar.
referans: www.turkmenistan.gov.tm