IV Aziýa kenarýaka oýunlarynda biziň türgenlerimiz medallaryň ýene ikisine kümüş we bürünç medallara mynasyp boldular. Erkin göreşiň kenarýaka görnüşi boýunça bäsleşiklerde Didar Baýramow ikinji orna, Zarina Abdyrahmanowa bolsa kuraş göregşi boýunça üçünji orna eýe boldular.
D.Baýramow 80 kilograma çenli agram derejede çykyş etdi. Şunda pälwanlar dört topara bölündi we toparda birinji orny alan türgen bäsleşigi dowam etdirmäge hukuk gazanýar.
Biziň turgenimiz C toparda Bangladeşden, Indoneziýadan we Filippinlerden gelen türgenler bilen güýç synanyşdy. Biziň ildeşimiz Halkara türkmen-türk uniwersitetiniň talyby bäsdeşleriniň her birini tutluşygyň eýýäm birinji minutynda ynamly ýeňmegi başardy. Bu bolsa oňa toparda birinji orny alyp, ýarym finala çykmagyna mümkinçilik berdi, şonda ol Gazagystandan B.Izbasar bilen duşuşyp, ony 2:1 hasabynda ýeňdi.
Aýgytlaýjy tutluşykda Türkmenistanyň at gazanan tälimçisi Ylýas Nepesowyň tälim berýän türgeni deňme-deň göreşi alyp barsa-da, eýranly bäsdeşi S.Hosseinijanydan asgyn geldi.
Zarina Abdyrahmanowa kuraş göreşi boýunça 57 kilograma çenli agram derejede çykyş edip, bürünç medala mynasyp boldy. Bu sylag Aziýa kenarýaka oýunlarynda biziň türgenlerimiziň sportuň bu görnüşi boýunça gazanan üçünji kümüş medalydyr.
Sportuň bu görnüşi boýunça bäsleşikleriň bäş agram derejesinde geçirilýändigini we şolaryň üçüsinde türkmen türgenleriniň üstünlik gazanandygyny bellemek gerek, bu bolsa biziň türgenlerimiziň uly mümkinçilikleriniň bardygyna şaýatlyk edýär.
Häzirki güne çenli Türkmenistanyň ýygyndy topary 9 medal 1 altyn, 3 kümüş we 5 bürünç medal toplady. Baýrakly orunlar üçin bäsleşikler dowam edýär, biziň türgenlerimiziň woleýbol, basketbol, gandbol we taý boksy boýunça hem medallary almaklary mümkindir.
17-nji noýabrda erkekler topary Maldiw adalarynyň we Kataryň toparlary bilen, zenanlar toparymyz bolsa Tailandyň ýygyndy topary bilen duşuşarlar. Türgenlerimize üstünlikleri arzuw edýäris, eger olar şowly çykyş etseler, ýaryşlaryň finalyna çykmak mümkinçiligi bar.