Türkmenistanyň Bilim ministrliginde Miçigan uniwersitetiniň (Amerikanyň Birleşen Ştatlary) Düýpli ylymlar merkeziniň direktory, şu uniwersitetiň bilim fakultetiniň tebigy ylymlary okatmagyň we öwrediş tehnologiýalarynyň professory doktor Nensi Batler Songer bilen duşuşyk geçirildi.
Söhbetdeşligiň barşynda iki ýurduň ýokary okuw mekdepleriniň arasynda hyzmatdaşlygy ösdürmegiň geljegi ara alnyp maslahatlaşyldy. Bellenilişi ýaly, bu ugurda giňden tejribe alyşmak milli bilim ulgamyny has-da kämilleşdirmek babatda möhüm ugur boldy. Türkmenistanyň bilim edaralarynyň köpüsi daşary ýurtlaryň esasy ylym we bilim merkezleri bilen göni aragatnaşyklary ýola goýdular. Her ýyl bilim ulgamynda döwletara we pudagara ylalaşyklaryň esasynda türkmen ýaşlarynyň müňlerçesi dünýäniň dürli ýurtlarynyň, şol sanda ABŞ-nyň abraýly okuw mekdeplerine okuwa iberilýär.
Seminarlar, okuw maslahatlary we ýurdumyzyň hem-de dünýäniň birnäçe döwletleriniň bilim ulgamyndaky hünärmenleriniň bilelikdäki işleriniň beýleki görnüşleri netijeli ynsanperwerlik gatnaşyklaryny ýola goýmagyň däp bolan guralyna öwrüldi.
Miçigan uniwersitetiniň Düýpli ylymlar merkeziniň direktory doktor Nensi Batler Songeriň biziň ýurdumyza saparynyň çäklerinde ýokary okuw