Türkmenistanyň Prezidentiniň Karary bilen, Batyr Şyblangulyýewiç Alymow Türkmenbaşydaky nebiti gaýtadan işleýän zawodlar toplumynyň baş direktory wezipesine bellenildi.
***
Berkarar döwletimiziň bagtyýarlyk döwründe ýurdumyzda ýerli gurluşyk materiallarynyň önümçiligini ösdürmek we ýerli gurluşyk materiallarynyň bahalarynyň düzgünleşdirilişini kämilleşdirmek maksady bilen, Türkmenistanyň Prezidenti Karara gol çekdi. Resminama laýyklykda, Türkmenistanda öndürilýän we içerki bazarda ilata ýerlenýän sementiň 1 tonnasy üçin lomaý satuw bahasy goşulan baha üçin salgyt hasaba alnanda 175 manat möçberde bellenildi.
Türkmenistanyň Senagat ministrligine, Türkmenistanyň Ykdysadyýet we ösüş ministrligine Türkmenistanyň Adalat ministrligi bilen bilelikde karardan gelip çykýan üýtgetmeleri we goşmaçalary Türkmenistanyň kanunçylygyna girizmek baradaky teklipleri bir aý möhletde taýýarlamak we Türkmenistanyň Ministrler Kabinetine bermek tabşyryldy.
***
Türkmenistanyň Prezidenti Buýruga gol çekdi. Resminama laýyklykda, wezipe borçlaryny talaba laýyk ýerine ýetirmän, işde goýberen kemçilikleri üçin, Türkmenistanyň Ministrler Kabinetiniň Başlygynyň orunbasary Artykow Myrat Rejepowiçe käýinç ýglan edildi.
***
Türkmenistanyň Prezidenti Buýruga gol çekdi. Resminama laýyklykda, wezipe borçlaryny talaba laýyk ýerine ýetirmän, işde goýberen kemçilikleri üçin, Türkmenistanyň ykdysadyýet we ösüş ministri Addylhekimow Wepa Serdarowiçe berk käýinç ýglan edildi we ýol berlen kemçilikleri gysga wagtyň içinde düzetmese, eýeleýän wezipesinden boşadyljakdygy oňa duýduryldy.
***
Türkmenistanyň Prezidenti Buýruga gol çekdi. Resminama laýyklykda, wezipe borçlaryny talaba laýyk ýerine ýetirmän, işde goýberen kemçilikleri üçin, Türkmenistanyň maliýe ministri Muhammedow Muhammetguly Atamuhammedowiçe berk käýinç ýglan edildi.
***
Türkmenistanyň Prezidenti Buýruga gol çekdi. Resminama laýyklykda, wezipe borçlaryny talaba laýyk ýerine ýetirmän, işde goýberen kemçilikleri üçin, Türkmenistanyň zähmet we ilaty durmuş taýdan goramak ministri Şamyradow Bekmyrat Meşrepowiçe berk käýinç ýglan edildi.
***
Türkmenistanyň Prezidenti Buýruga gol çekdi. Resminama laýyklykda, wezipe borçlaryny talaba laýyk ýerine ýetirmän, işde goýberen kemçilikleri üçin, Lebap welaýatynyň häkimi Joraýew Muhammet Hudaýnazarowiçe berk käýinç ýglan edildi.
***
Türkmenistanyň Prezidenti Buýruga gol çekdi. Resminama laýyklykda, wezipe borçlaryny talaba laýyk ýerine ýetirmän, işde goýberen kemçilikleri üçin, Mary welaýatynyň häkimi Annagurbanow Bäşim Durdyýewiçe berk käýinç ýglan edildi.