“Türkmenistanyň durmuş-ykdysady ösüşiniň 2011-2030-njy ýyllar üçin Milli maksatnamasyny” üstünlikli durmuşa geçirmek, derman senagatyny çalt depginler bilen ösdürmek, ýurdumyzyň ilatynyň ýokary hilli, howpsuz derman we saglygy goraýyş maksatly serişdeler bilen üpjünçiligini has-da gowulandyrmak, pudagyň düýpli diwersifikasiýalaşdyrylmagyny gazanmak hem-de döwrebap enjamlaşdyrylan täze iş orunlaryny döretmek maksady bilen, Türkmenistanyň Prezidenti Karara gol çekdi. Resminama laýyklykda Türkmenistanda derman senagatyny ösdürmegiň 2011-2015-nji ýyllar üçin Döwlet maksatnamasy, Türkmenistanda derman senagatyny ösdürmek boýunça amala aşyrylmaly çäreleriň 2011-2015-nji ýyllar üçin Meýilnamasy tassyklanyldy.
* * *
Täze Galkynyş we beýik özgertmeler eýýamynda ýurdumyzyň derman senagatyny has-da ösdürmek hem-de ilatymyzy özümizde öndürilýän derman serişdeleri bilen has doly üpjün etmek maksady bilen, Türkmenistanyň Prezidenti Karara gol çekdi. Resminama laýyklykda Türkmenistanyň Saglygy goraýyş we derman senagaty ministrligine Aşgabat şäherinde kuwwatlylygy ýylda 10 million gap bolan Infuzion erginleri öndürýän derman kärhanasynyň taslamasyny düzmek we ony ýokary tilsimatly öňdebaryjy önümçilik enjamlary bilen enjamlaşdyryp, ätiýaçlyk şaýlaryny we sarp ediş serişdelerini satyn almak, hünärmenleri ýörite taýýarlamak şertinde ýanaşyk ýerleri abadanlaşdyryp gurmak barada “Gap Inşaat, Ýatirim ve Diş Ticaret A.Ş.” türk kompaniýasy bilen şertnama baglaşmaga ygtyýar berildi.
Gurluşyga 2011-nji ýylyň iýul aýynda başlamak we desgany 2013-nji ýylyň iýul aýynda ulanmaga doly taýýar edip tabşyrmak bellenildi.
referans: www.turkmenistan.gov.tm