Şunuň ýaly abraýly ýaryşlar barha giň meşhurlyga eýe bolýar. Türkmenistanyň Prezidentiniň Kubogy ugrunda geçirilýän ýaryşlaryň taryhynda dünýäniň 20 döwletinden 80 topar gatnaşdy. Olaryň hatarynda Russiýa, Ukraina, Türkiýe, Koreýa Respublikasy, Hytaý, Bahreýn, Taýland, Ermenistan, Belarus, Gruziýa, Gazagystan, Gyrgyzystan, Latwiýa, Litwa, Moldowa, Özbegistan, Täjigistan, Estoniýa, Eýran ýaly ýurtlar bar. Şeýle hem bu ýaryşlara Türkmenistanyň toparlary hem gatnaşdylar.
Ýaryşyň baş baýragyna 17 ýylda diňe üç gezek daşary ýurtlaryň toparlary eýe boldy. 1998-nji ýylda bu Kuboga Tähranyň «Isteglal», 2002-nji ýylda Gruziýanyň Kutaisi şäheriniň «Torpedo», 2006-njy ýylda Moldowanyň paýtagtynyň «Daçiýa» toparlary mynasyp boldular. Aşgabadyň «Nisa» topary Türkmenistanyň Prezidentiniň Kubogy ugrundaky (1999, 2003,2004 we 2005-nji ýyllarda) bäsleşiklerde dört gezek ýeňiji boldy.
Halkara türkmen-türk uniwersitetiniň futbolçylary ýaryşyň baş baýragyna 2007,2008 we 2009-njy ýyllarda mynasyp bolmagy başardy. Bu ýaryşlarda paýtagtymyzyň «Köpetdag» topary 1995 we 2001-nji ýyllarda baş baýragy eýeledi. Türkmenistanyň ýygyndy klublar topary hem bu baýraga 1996 we 1997-nji ýyllarda mynasyp boldy. Şeýle hem Aşgabadyň ýygyndysy Türkmenistanyň Kubogyny 2000-nji ýylda almagy başardy.
2012-nji ýylda Türkmenistanyň Garaşsyz Döwletleriň Arkalaşygyna başlyklyk etmeginiň Konsepsiýasyny durmuşa geçirmek boýunça çäreleriň meýilnamasyna laýyklykda bu ýaryş täze görnüşde geçirilýär. Bu abraýly baýrak ugrundaky bäsleşiklere şu ýyl ilkinji gezek ýetginjekler toparynyň 9-sy gatnaşýar. Olar ýaryşyň deslapky tapgyrynda iki topara bölündiler. «A» toparda Türkmenistanyň, Russiýanyň, Gyrgyzystanyň, Gazagystanyň we Ermenistanyň toparlary bar. «B» toparda bolsa Ukrainanyň, Özbegistanyň, Täjigistanyň we Belarusuň toparlary çykyş eder. Birinji toparyň ýaryşlary «Aşgabat» stadionynda, ikinji toparyňky bolsa «Köpetdag» stadionynda geçiriler.
Her topadan ýeňiji bolan iki komanda ýarym finala çykarlar. Olaryň ýeňijileri final oýunlarynda baş baýrak ugrunda bäsleşerler, utulan toparlar bolsa bäsleşigiň bürünç baýragy ugrunda oýnarlar.
Döwlet Baştutanymyzyň Kararyna laýyklykda, ýaryşyň baýrak gaznasy ABŞ-nyň 35 müň dollarydyr. Ýaryşda birinji orna düşen topar Türkmenistanyň Prezidentiniň Kubogyna mynasyp bolar we oňa ABŞ-nyň 20 müň dollary gowşurylar. Ikinji orna düşen topara 10 müň, üçünji ýeri eýelän topara bolsa 5 müň dollar gowşurylar.
Oýunlaryň tertibi
20-nji sentýabr
«Aşgabat» stadiony
15.00 Ermenistan-Gyrgyzystan
18.00 Russiýa-Gazagystan
21-nji sentýabr
«Köpetdag» stadiony
10.00 Ukraina-Täjigistan
16.00 Özbegistan-Belarus
«Aşgabat» stadiony
15.00 Gazagystan-Ermenistan
17.00 Ýaryşyň açylyş dabarasy
18.00 Türkmenistan-Gyrgyzystan
22-nji sentýabr
«Aşgabat» stadiony
15.00 Gyrgyzystan-Russiýa
18.00 Ermenistan-Türkmenistan
23-nji sentýabr
«Köpetdag» stadiony
10.00 Täjigistan-Özbegistan
16.00 Belarus-Ukraina
24-nji sentýabr
«Aşgabat» stadiony
15.00 Russiýa-Ermenistan
18.00 Türkmenistan-Gazagystan
25-nji sentýabr
«Köpetdag» stadiony
10.00 Özbegistan-Ukraina
16.00 Belarus-Täjigistan
«Aşgabat» stadiony
15.00 Gyrgyzystan-Gazagystan
18.00 Russiýa-Türkmenistan
27-nji sentýabr
Ýarym final oýunlary
«Aşgabat» stadiony
15.00 «A» toparyň ýeňijisi»B» toparyň ikinji komandasy
18.00 «B» toparyň ýeňijisi»A» toparyň ikinji komandasy
28-nji sentýabr
5-8-nji orunlar üçin degişli bäsleşikler
«Aşgabat» stadiony
15.00 «A» toparyň dördünji komandasy»B» toparyň dördünji komandasy
18.00 «B» toparyň üçünji komandasy «A» toparyň üçünji komandasy
29-njy sentýabr
«Aşgabat» stadiony
10.00 Üçünji orun ugrundaky bäsleşik
18.00 Final bäsleşigi
referans: www.turkmenistan.gov.tm