Ýapyk bina ýeňil atletika toplumy ýaryş geçiriljek üç günüň dowamynda dabaraly şowhuna beslener. 5 000 orunlyk desgada ýaýlyma bermek hem-de ýaryşy gurnamak üçin ähli şertler döredilendir. Bu ajaýyp bina gowşuryljak 26 sany altyn medala mynasyp bolmak üçin türgenlerde bar güýji bilen, ýokary derejede çykyş etmäge höwes döreder.
Türgenler ýeňil atletikanyň dürli görnüşleri, şol sanda uzaklygyna bökmek, üçürdikläp bökmek, syrykly bökmek we beýikligine bökmek; 60m, 400m, 800m, 1500m, 3000m aralyga ylgamak, 60m päsgelçilikli ylgamak we 4×400 estafetalar; zenanlaryň arasynda bäş görnüşli ýaryş we erkekleriň arasynda ýedi görnüşli ýaryş hem-de ýadro iteklemek boýunça ussatlygyny görkezerler. Bu desgada tomaşaçylar ýatdan çykmajak pursatlaryň we dartgynly ýaryşlaryň şaýady bolarlar.
Ýeňil atletika boýunça ýaryşlar 18-20-nji sentýabrda geçiriler.