Türkmenistanyň Halkara nebit we gaz uniwersitetinde hem-de onuň Balkanabatdaky bölümçesinde, şeýle hem Türkmen döwlet binagärlik-gurluşyk institutynda 6-njy we 20-nji maýda sagat 15:00-da «Açyk gapylar» güni geçirilýär. Şu günler 2017-2018- nji okuw ýylynda şu ÝOM-lara okuwa girmäge isleg bildirýänleriň her biri bu ýere gelip, fakultetler we hünärler bilen tanşyp bilerler, giriş üçin zerur bolan resminamalar barada maglumat alyp bilerler. Şeýle hem bu ÝOM-lara okuwa girmek isleýänler fakultetlerde we hünärlerde alnyp barylýan okuwlar bilen jikme-jik tanşyp bilerler. Mundan başga-da, myhmanlar ÝOM-laryň häzirki zaman enjamlary bilen üpjün edilen binalary, hususan-da, barlaghanalar, sport toplumlary hem-de umumy ýaşaýyş jaýlary bilen ýakyndan tanşyp bilerler. Isleg bildirýänleriň ählisi «Açyk gapylar» gününe şu salgylar boýunça gelip bilerler:
Halkara nebit we gaz uniwersiteti – Aşgabat şäheri, Arçabil şaýoly, 8-nji jaý.
Telefonlar: 39-13- 05, 39-13- 18;
Uniwersitetiň Balkanabatdaky bölümçesi – Balkanabat şäheri, G.Annaýew köçesi, 76-njy jaý.
Telefonlar: 4-93- 62, 2-19- 98;
Türkmen döwlet binagärlik-gurluşyk instituty — Aşgabat şäheri, B.Annanow köçesi, 136-njy jaý.
Telefonlar: 28-18- 04, 28-18- 47, 28-18- 54.
Çeşme: oilgas.gov.tm